Matagal-tagal din kitang nakasama.
Nandoon ka sa panahong ayaw kong mapag-isa.
Nagpakupkop noong nabalot ng lungkot.
Nagpa-ampon, maibsan lang pangamba't takot.
Kinitil mo ang ilang aking pag-alala.
Ngayon'y ibibilang na kita sa aking alaala.
Lahat nga ng bagay ay may hangganan.
At oo, ito na ang ating katapusan.
Salamat sa pulot-gata noong nakatirik ang araw.
Salamat sa tag-ulan, sa ating pagtampisaw.
Salamat sa pakikinig, sa nagpipilit kong tinig.
Salamat sa pang-unawa at sa nakadaupang-bisig.
Binasag ng hinala ang sagradong tiwala.
Hinalay ng dila ang payapa sanang diwa.
Gumuhit ang sugat hanggang kaluluwa.
Pumunit ng kaligayahan, nanuot hanggang kadiliman.
Wala nang dahilan upang ikaw ay makaniig.
'Di mo na maiibsan ang uhaw ko ng 'yong tubig.
Wala nang libog akong nadarama.
'Di na tatalab ang 'yong halina at gayuma.
Tutungo ako sa kung saan ko naisin.
At 'wag nang tangkaing sumunod pa sa akin.
Estranghero na ang pagturing ko sa'yo.
Landas mo't landas ko'y 'di na magkapareho.
Nandoon ka sa panahong ayaw kong mapag-isa.
Nagpakupkop noong nabalot ng lungkot.
Nagpa-ampon, maibsan lang pangamba't takot.
Kinitil mo ang ilang aking pag-alala.
Ngayon'y ibibilang na kita sa aking alaala.
Lahat nga ng bagay ay may hangganan.
At oo, ito na ang ating katapusan.
Salamat sa pulot-gata noong nakatirik ang araw.
Salamat sa tag-ulan, sa ating pagtampisaw.
Salamat sa pakikinig, sa nagpipilit kong tinig.
Salamat sa pang-unawa at sa nakadaupang-bisig.
Binasag ng hinala ang sagradong tiwala.
Hinalay ng dila ang payapa sanang diwa.
Gumuhit ang sugat hanggang kaluluwa.
Pumunit ng kaligayahan, nanuot hanggang kadiliman.
Wala nang dahilan upang ikaw ay makaniig.
'Di mo na maiibsan ang uhaw ko ng 'yong tubig.
Wala nang libog akong nadarama.
'Di na tatalab ang 'yong halina at gayuma.
Tutungo ako sa kung saan ko naisin.
At 'wag nang tangkaing sumunod pa sa akin.
Estranghero na ang pagturing ko sa'yo.
Landas mo't landas ko'y 'di na magkapareho.